Sænsk sumarleg berjakaka sem á vel við á kaffiiborði eða sem eftirréttur.
2 egg
2 dl strásykur
2 dl hveiti
2-3 dl ber t.d. bláber, hindber, rifsber, stikkilsber eða það sem er ykkur lystir. Ágætt að blanda saman t.d. tveimur teg.
100 g kalt smjör
perlusykur
vanillusykur
Egg og sykur þeytt vel og því næst er hveitinu hrært lauslega saman við.
Deigið sett í form, t.d. bökuform, sléttað vel og berjunum stráð yfir.
Þá er perlu- og vanillusykri sáldrað yfir og að síðustu er svo kalt smjörið (gott að setja því í frysti smástund áður), skorið með ostaskera og raðað yfir berjablönduna.
Bakað við 200° hita í 20-25 mínútur.
Borin fram með þeyttum rjóma eða vanilluís.
Gott að vita:
Nota má fersk eða frosin ber ofan á kökuna og jafnvel góða berjasultu að hluta til með, ef vill. Þá er sultan sett með teskeið á milli berjanna.
Perlusykrinum má sleppa.
Best er að baka kökuna í bökuformi og bera hana borð í því.
