Brauðréttir heitir
Brauðréttir eru vel þegnir á kaffiborð.
1 franskbrauð án skorpu
1 Camembert ostur
1 Stóri Dímon ostur
1 lítil dós piparsmurostur
2 ½ dl rjómi
spergilskál, 1 lítill hnaus, ferskur í bitum
6 stórir sveppir, ferskir
200 g skinka
smjör
Brauðið er rifið niður í eldfast mót.
Ostar og rjómi bræddir í potti við vægan hita og hrært vel í á meðan og síðan hellt yfir brauðið. Sveppir steiktir í smjörinu á pönnu og settir yfir ost og brauð ásamt smátt skorinni skinkunni.
Spergilskálinu raðað yfir að síðustu.
Bakað í 30-40 mín við 180° hita.
Berist fram með rifs-eða bláberjahlaupi.
