Grautar
Tilbrigði við venjulegan hafragraut.
1 ½ dl haframjöl, gróft (ekki verra ef það er lífrænt ræktað)
5 dl vatn
1 msk olívuolía
salt
Ef vill má setja 1 msk af hörfræi og 1-2 msk af rúsínum út í með mjölinu eða aðra þurrkaða ávexti.
Setjið vatn og olíu í pott og hleypið upp suðu.
Mjölið hrært út í og hitinn lækkaður þannig að rétt malli í grautnum.
Látið malla þangað til hann fer að þykkna. Þá er saltað eftir smekk.
Ef notaðir eru þurrkaðir ávextir eru þeir settir strax á efir mjölinu.
Borin fram með mjólk eða AB-mjólk og smávegis af kanildufti sáldrað yfir.
