Ódýrir réttir
Matarmikill grænmetisréttur.
6 vænar gulrætur
1 blaðlaukur, bæði ljósi og græni hlutinn
1 laukur
1 box sveppir
1 græn paprika
¼ af hvítkálshaus
1 dós niðursoðnir tómatar
½ agúrka
½ tsk karrý
½ tsk paprika
1 msk basilika
2 ½ dl soð af grænmetisteningi
salt og pipar ef þarf
4 tómatar ferskir
Grænmetið (allt nema fersku tómatarnir) er skorið í bita og mýkt í í góðri olíu í potti. Á ekki að brúnast.
Niðursoðnu tómötunum hellt út í og kryddi, (nema salti og pipar) vatni og soði bætt út í.
Látið sjóða við vægan hita í ca 15 mín.
Saltað og piprað ef þarf.
Fersku tómatarnir skornir í báta og settir út í um leið og rétturinn er borin fram.
Borið fram með soðnum pastaskrúfum eða hrísgrjónum og jafnvel brauði.
Einnig upplagt sem meðlæti með kjöt- eða fiskréttum.
