Best er að reyniberin hafi frosið og gott að leggja þau í bleyti í kalt vatn í 2-3 sólarhringa.
1 kg reyniber
750 g græn epli (súr)
1 l vatn
1 kg strásykur á móti 1 l af saft
Ber og epli hreinsuð vel. Eplin afhýdd og skorin í litla bita.
Soðið í vatninu í 20-30 mínútur. Síðan er saftin síuð frá.
Mæld í pott og sykri blandað saman við.
Soðið í nokkrar mínútur eða þangað til hlaup hefur myndast í saftinni. Best er að gera hlauppróf með því að setja dropa á undirskál og inn í kæliskáp. Renna svo hníf í gegnum dropann, ef hann helst aðskilinn er nóg að gert.
