Páskauppskriftir
Einkar ferskur og frísklegur á bragðið.
1 kjúklingur í heilu, ca 1200 g
Lögur
1 sítróna, safi og börkur
1 msk olía
1 msk steinselja
1 tsk timjan
1 tsk kóriander
1 tsk salt
svartur pipar
Það sem fer í lögin er hrært saman og sett í plastpoka ásamt kjúklingnum.
Hrist vel saman og sett í kæliskáp. Látið standa þar í 1/2 til 1 sólarhring og pokanum snúið nokkrum sinnum á meðan.
Kjúklingurinn settur í pottofn eða steikingarpoka og steiktur í 60-70 mínútur við 200° hita.
Soðið tekið frá og notað sem sósa.
Meðlæti
Soðnar eða steiktar kartöflur ásamt soðinu. Grænmeti að eigin vali.
Eins er gott að bera fram soðin hrísgrjón og nota soðið út á þau.
