Leiðbeiningar

Rjómi og smjörið hitað við vægan hita í potti. Súkkulaðið brytjað út í og hrært þangað til blandan verður mjúk og áferðarfalleg. Misoið sett út í síðast ef það er notað.
Blöndunni hellt í fat eða skál. Best er að hella henni í ílát svo hún verði sem þynnst, þá er auðveldara að vinna með hana.
Sett í kæliskáp í 2-4 klst. eða þangað til hún hefur stífnað.
Búnar til kúlur þannig að tekið er smá af massanum í teskeið og síðan notar maður hendurnar til að hnoða litlar kúlur.
Kúlunni velt upp úr því sem við viljum hafa utan á þeim.
Raðað á fat eða disk og geymdar í kæliskáp þangað til þær eru bornar fram.