Blóm

Smáréttahlaðborð

Borð með úrvali smárétta á vel við þegar halda skal upp á merkisatburði og áfanga.

Varðandi magn í á að giska tveggja tíma boð er miðað við u.þ.b. 12 -15 bita á mann ef um er að ræða pinnamat, en 10 bitar gætu dugað ef boðið er upp á eina tegund af tertu (kransaköku) líka, sem getur verið mjög viðeigandi, fer auðvitað eftir tilefninu.

 

  • Litlar kjöt- eða fiskbollur (gott að úbúa fyrirfram og frysta)
  • Litlar samlokur m.d.t.lifrarkæfu, túnfisk- eða skinkusalati
  • Vatnsdeigsbollur fylltar með smurosti
  • Lítil horn með skinkufyllingu
  • Brauðrúllur með laxakremi
  • Döðlur fyllar með smurosti (bragðbættum m/líkjör)
  • Litlar gerbollur með ýmiskonar fyllingum
  • Smápítsur með pepperoni/skinku, sveppum o.fl.
  • Pylsubitar vafðir með beikoni og steiktir
  • Ferskt gænmeti skorið í bita t.d. sellerí, paprika, gulrætur, blómkál og agúrka og bera ídýfu með
  • Steiktir kjúklingavængir, kryddsósa borin með
  • Ostapinnar, skreyttir, mjúkir ostar, kex
  • Ostakúla, krydduð, auðvelt að gera fyrirfram
  • Melónukarfa, mjög fallegt á borði, fylla með jarðarberjum, melónukúlum og vínberjum
  • Súkkulaðihjúpuð jarðarber
  • Ostur á bakka til að skera og vínber og/eða niðursneitt grænmeti
  • Smáar kransakökur og/eða konfekt
  • Terta ef vill
  • Síðan eru ýmsar útgáfur af tapassnittum sem hægt er að útbúa fyrirfram.
  • Drykkir með smáréttahlaðborðum eru gjarnan létt vín, og/eða áfengislaust vín, freyðivín eða gosdrykkir.

Um að gera að láta hugmyndaflugið ráða bæði hvað varðar veitingar og borðskraut og aðra umgjörð veislunnar.