Blóm

Fyllt lambalæri með spínati og rjómaosti

0.0/5 rating (0 votes)
Fyllt lambalæri með spínati og rjómaosti

Innihald

  • Fyllt lambalæri:
  • 2 kg úrbeinað lambalæri
  • 2 tsk timian
  • salt og pipar
  • Marinering:
  • 2 dl olívuolía
  • 1/2 búnt ferskt timian
  • 1 tsk rósmarín
  • 2 - 4 hvítlauksrif
  • 1 tsk nýmalaður svartur pipar
  • 1 - 2 msk Agave síróp
  • 1 dl maukaðir tómatar í dós
  • Fylling:
  • 100 g sveppir
  • 200 g spínat
  • 200 g rjómaostur
  • 1 tsk múskat
  • 1 - 2 tsk salt
  • 1 tsk grófur svartur pipar
  • 4 msk olía/smjör
  • Soðsósa:
  • 1 - 2 skallott laukar
  • 3 hvítlauksrif
  • 1 msk olía
  • 1 dl hvítvín
  • 3 dl soð (af kjötinu + vatn og kraftur ef þarf)
  • 3 msk kryddjurtir
  • 2 msk sósujafnari
  • 2 msk smjör
  • salt og pipar eftir smekk

Leiðbeiningar

  1. Blandið öllu saman í marineringuna.

  2. Úrbeinið lambalærið (eða kaupið úrbeinað læri) og leggið í marineringu í 2 - 4 klst. 

  3. Saxið sveppi og spínat smátt og steikið upp úr olíu. Setjið í sigti og látið vökvann renna af svo fyllingin verði ekki of blaut.

  4. Hrærið steiktu grænmetinu saman við rjómaostinn og kryddið.

  5. Takið kjötið úr marineringunni, setjið fyllinguna í miðjuna og vefjið kjötið þétt saman með garni eða setjið net utan um rúlluna. Kryddið með salti og pipar og timian. Brúnið rúlluna á öllum hliðum á pönnu, setjið í ofn við 170°C í 1 klst. 

    Berið fram með soðsósu og bökuðum eða brúnuðum kartöflum.

  6. Verklýsing fyrir soðsósu:

    Saxið lauk og hvítlauk smátt, léttsteikið i olíu. Bætið soði, hvítvíni og kryddi saman við og sjóðið um stund.  Þykkið með sósujafnara og smjöri. Kryddið. 

     

    Tilvalið að hafa rauðkálssalat sem meðlæti. 

     

    Þessi uppskrift birtist í 1. tbl Húsfreyjunnar 2012