Með því að geyma matvæli í frystinum heldur maturinn næringarinnihaldi, bragði og útliti – að minnsta kosti í einhvern tíma.

Hins vegar getur matur ekki enst að eilífu í frystinum. Áferð, lykt og bragð breytist. Engin verður hins vegar veikur af því að borða mat sem hefur verið lengur í frystinum en ráðlagður tími gefur upp, því bakteríuvöxtur hættir við mínus 10 gráður á Celsíus. Gæði matvælanna rýrist einfaldlega.

Þú gætir þurft að endurpakka matnum áður en þú setur hann í frysti. Ekki er víst að upprunalegu umbúðirnar henti frosti.

Hér er listi yfir ráðlagt geymsluþol ýmissa matvæla í frysti.

• Tilbúnir réttir: 1-3 mánuðir í frysti.
• Grænmeti: 6-12 mánuðir eftir umbúðum og tegund grænmetis.
• Ávextir: 10-12 mánuðir.
• Pylsur: 2-3 mánuðir.
• Magurt svínakjöt: um það bil 6 mánuðir.
• Feitt svínakjöt: um það bil 3 mánuðir.
• Hakkað kjöt: um það bil 4 mánuðir.
• Reykt kjöt: 4-6 mánuðir.
• Kjúklingur: 8-10 mánuðir.
• Nautakjöt: um það bil 10 mánuðir.
• Lambakjöt: um það bil 10 mánuðir.
• Reyktur fiskur: um það bil 3 vikur.
• Fiskhakk: 1-2 mánuðir.
• Feitur fiskur: 2-3 mánuðir.
• Magur fiskur: 3-6 mánuðir.

Stundum þarf að endurpakka því sem fer í frystinn, notið viðurkenndar umbúðir sem merktar eru undir matvæli og sem þola frost. Athugið að nestispokar henta ekki fyrir frost, plastið í þeim er of þunnt. Notið poka sem eru sérstaklega merktir fyrir frost.  Best er að lofttæma ílát og poka.  Ekki setja í of stór ílát, loftið skemmir fyrr.   Pakkið í minni skammta, ekki er víst að frystirinn geti fryst stór stykki nægilega hratt. Pakkið helst í skammtastærðir sem passa þinni fjölskyldu svo það sem þú tekur úr frystinum fari ekki forgörðum.  

Afþíðing:

Frosinn matvæli ætti helst að afþíða í kæli. Bakteríur vaxa hægar í kæli en við stofuhita og fjölga sér hratt ef maturinn verður of heitur við afþíðingu.

Til dæmis, ef þú setur frysta matarafganga á eldhúsbekkinn til að þiðna, geta bakteríur vaxið yfir daginn vegna þess að yfirborðið hitnar þó að kjarninn sé enn frosinn.

Því er best að afþíða frosið kjöt, fisk og alifugla í kæli.

Heimild: dönsku neytendasamtökin.